រកមើលតាមអក្សរ.

សិលាប្រែកំណើត

សិលាកើតពីសិលាម៉ាក់ម៉ាឬសិលាកម្ទេចកំណ ដែលបានផ្លាស់ប្ដូរវាយភាព (របៀបបផ្គុំភាគល្អិតៗនៃដីឬសិលា ទម្រង់និងសមាសភាពក្រោមអំពើនៃសីតុណ្ហភាពនិងសម្ពាធខ្ពស់ ព្រមទាំងក្រោមអំពើនៃសកម្មភាពគីមីនៅក្នុងជម្រៅដីក្នុងរយៈពេលដ៏យូរ :

សិលាម៉ាក់ម៉ា

សិលាកើតពីម៉ាក់ម៉ា (សិលាក្ដៅរលាយនៅក្នុងផែនដី) ដែលចេញមកពីសំបកផែនដី ហើយចុះត្រជាក់និងកករឹង :

សិលាវិទ្យា

សាខានៃភូគព្ភសាស្ត្រដែលសិក្សាអំពីការពិពណ៌នានិងចំណាត់ថ្នាក់សិលា។

សិលា—

(ម.ព. សិលា) បើរៀងភ្ជាប់ពីខាងដើមសព្ទដទៃ។

សិលុច្ច័យ

ភ្នំ; ភ្នំត្រងិល គឺភ្នំថ្មសុទ្ធដែលឥតរុក្ខជាតិឬសូម្បីតែតិណជាតិក៏គ្មានដែរ (សុទ្ធបាសាណបព៌ត)។

សិលោក

ពាក្យស្លោក; សេចក្ដីសរសើរ; កេរ្តិ៍ឈ្មោះល្អ; ពាក្យកាព្យសម្រាប់សូត្រសរសើរគុណ; ឆន្ទ, គាថា ជាភាសាបាលីឬសំស្ក្រឹត (ច្រើនតែគាថាដែលកំណត់ដោយបាទ ៤ក្នុងបាទមួយៗ មានអក្សរប្រាំបីៗតួ) ; ខ្មែរច្រើនហៅ ស្លោក ជាង។

សិលោរស្ក

ភ្នំហិមពាន្តឬហិមាល័យ :

សិល្ប

សិប្បៈ។

សិល្បករ

អ្នកសិល្បៈ។

សិល្បការិនី

(ម.ព. សិល្បករ)។

សិល្បការ្យ

ផលទាំងឡាយដែលកើតចេញពីស្នាដៃមនុស្ស។

សិល្បសាស្ត្រ

តម្រាសម្រាប់រៀនសិល្បៈ។

សិល្បាចារ្យ

(ម.ព. សិប្បាចារ្យ)។

សិល្បារម្មណ៍

រូបារម្មណ៍សិល្បៈដែលកើតមានឡើងនៅក្នុងប្រធានអារម្មណ៍របស់អ្នកអាន អ្នកស្ដាប់ អ្នកទស្សនាបន្ទាប់ពីមានការវិនិច្ឆ័យចំពោះរូបារម្មណ៍ថាល្អឬមិនល្អ សមឬមិនសម ពីរោះឬមិនពីរោះ ជាដើម។

សិល្បៈ

art

របៀបឬបំណិនក្នុងការធ្វើអ្វីមួយ; កម្រងចំណេះដឹងនិងច្បាប់ទម្លាប់ក្នុងផ្នែកណាមួយ :

សិល្បៈទស្សនីយភាព

ទម្រង់សិល្បៈសម្ដែងគ្រប់ប្រភេទ កើតពីការប្រតិបត្តិ ពីទេពកោសល្យនិងការប្រឌិតញាណដ៏អស្ចារ្យរបស់មនុស្សដែលគួរឱ្យរំភើប គួរឱ្យចង់មើល គួរឱ្យចង់ស្តាប់ និងគួរគិត :

សិល្បៈនាដកម្ម

ទម្រង់សិល្បៈទស្សនីយភាពដែលសម្ដែងអំពីរឿងមួយ តាមរយៈពាក្យសម្ដីនិងសកម្មភាពតួអង្គនៅក្នុងសាច់រឿង នៅចំពោះមុខទស្សនិកជន :

សិល្បៈសម្ដែង

ទម្រង់នៃសិល្បៈ ដូចជាតន្ត្រី របាំ ល្ខោន ជាដើម ដែលប្រគំ សម្ដែង សម្រាប់បម្រើអ្នកស្ដាប់ ទស្សនិកជន។