ឆាយា

ស្រមោល, ម្លប់; រូប; លំអ; ពន្លឺ ...។

សំបុត្រសម្គាល់ខ្លួនសម្រាប់ភិក្ខុក្នុងសម័យសព្វថ្ងៃនេះ កាន់រក្សាទុកជាគ្រឿងអាងឱ្យដឹងថាកាលដែលខ្លួនលោកបំពេញឧបសម្បទានោះ សម្រេចញត្តិចតុត្ថកម្មវាចា នៅវេលាស្រមោលចម្រឹងឈើ ឬឫស្សី ដែលបោះជាគ្រឿងសម្គាល់នោះបានប៉ុន្មានជាន់; លុះតមក កំណត់យកនាឡិកា ប្រាប់ម៉ោងពេលជាជំនួសស្រមោល ហើយមានកត់ហេតុផ្សេងៗ មានថ្ងៃ ខែ ឆ្នាំ សករាជជាដើមផង; ក្នុងសម័យឥឡូវ សូម្បីសាមណេរក៏ឱ្យមានសំបុត្រនេះកាន់រក្សាខ្លួនដែរ (ហៅថា សង្ឃដីកា សម្រាប់ឱ្យសាមណេរកាន់ជាសម្គាល់)។