វចនានុក្រម.

ផ្ទុយ

ដែលច្រាសត្រឡប់, ដែលមិនស្របគ្នា, ដែលជាទំនាស់នឹងគ្នា :

ផ្ទុយទៅវិញ

ផ្ទុយពីនេះ, ខុសពីនេះ; ដោយឡែក :

ផ្ទុរ

ដំបូលរទេះ (ហៅក្លាយជា ផ្ទុល ឬ ផ្ទូរ ក៏មាន)។

ផ្ទុះ

បែកខ្ទាតចេញយ៉ាងឆាប់ដោយកម្លាំងនិងមានសំឡេងខ្លាំងដោយសម្ពាធពីខាងក្នុង និងអាចបង្កគ្រោះថ្នាក់ :

ផ្ទូរ

ពាក្យសម្រាប់និយាយផ្សំនឹងពាក្យ ផ្ទេរ ថា ផ្ទេរផ្ទូរ គឺផ្ទេរចុះផ្ទេរឡើងសម្រួលការ។

ផ្ទួន

ដែលថែមៗ, ខ្ជាន់ៗ ដដែលៗ :

ផ្ទៀង

ធ្វើឱ្យទៀង គឺពិនិត្យធៀបប្រៀបមើលឱ្យទៀង, ឱ្យត្រឹមត្រូវតាមបែប, គំរូ, ច្បាប់ដើម :

ផ្ទេរ

ផ្លាស់ចំណុះ, ផ្លាស់បន្ទុក ពីមួយដាក់ទៅលើមួយ ដើម្បីឱ្យមួយនៅទំនេរ :

ផ្ទៃ

ពោះ។

ផ្ទៃក្រឡា

ទំហំផ្ទៃមួយដែលមានខ្នាតគិតជាការ៉េ។

ផ្ទោង

ឈ្មោះគ្រឿងគ្រឹហាមួយមុខ សម្រាប់ទ្រផ្លាន។

ផ្ទោល

ឈ្មោះឈើរនាមមួយប្រភេទ ច្រើនប្រើធ្វើជាឧស :

ផ្ទំ

(រ.ស.) ដេក :

ផ្ទះ

house

គ្រឹហា, លំនៅរបស់មនុស្ស ដែលសង់ដោយឈើ, ដោយឥដ្ឋជាដើម :

ផ្ទះត្រចៀកកាំ

ផ្ទះសង់ដើម្បីឱ្យត្រចៀកកាំមករស់នៅធ្វើសំបុកដោយកម្អួតរបស់វា។

ផ្ទះទឹក

ផ្ទះបណ្ដែតទឹក, ផ្ទះដាក់បណ្ដែតលើក្បូនឫស្សីឬធុងសាំង ដែលច្រើនតែធ្វើពីឈើឬលោហធាតុ ប្រក់ស័ង្កសីឬស្លឹក :

ផ្ទះបាយ

ផ្នែកនៃគេហដ្ឋាន ជាកន្លែងសម្រាប់ចម្អិនអាហារនិងបរិភោគអាហារ។

ផ្ទះសំណាក់

ផ្ទះឬអគារសម្រាប់អតិថិជនជួលស្នាក់នៅរយៈពេលខ្លី មានតម្លៃទាបជាងសណ្ឋាគារ :